| قريت وتعلمت، نجحت وتفوقت، بابا صباح وليل يسأل على أعدادي ودروسي، كل عيد ميلادي يهديلي كتاب مـــــوازي ،،، مع صحابـــــو ما يحكي كان على ذكاي ومعدلاتي ,,,
مستقبلي سطروا وفصلوا وتنازل لامي باش تخيطوا على كيفها....
كانت بارعة في تخويفي من بنات الحرام والاولاد الكل، من الشارع والناس، كل يوم تسرق من عمري ساعة باش تعلمني الطاعة والحشمة وتختمها بغزرة حارة وكلمتين في وذني قلة الحياء لا
نجحت وتخرجت، تعثرت وضعت، لقيت في صوتي بحّة وفي بدني رعشة وفي عيني دمعة،،، وفي نهار عشية، كسرت خلخالي ومشيت في ثنية متاعي،،، رسمتها وحدي باحلامي ...
|
